Paroles :A.Destournes Musique :E.Duplan
D’un païs à l’iuèrn douriù
Debarec la joèno’strangèro
Apitado s’ou bént geladiù,
Assetudo’n escudèro :
Sus la blanco pèlho leugèro
Lusiuo un rabat de cèu.
E-m balhèc sa hloû irantjèro
Ma beroyo nobio de nèu.
Quoan lou glass engabièc l’arriù
De l’amou soufric le prrusèro
Au jamès nad Sent-Joan d’estiu
Ne balouc lou huèc de ma bèro,
Aganido de maridèro
De bièlh e-m hasouc joubencèu,
M’enluec de poutiquejèro
Ma beroyo nobio de nèu.
Que malasits sièn l’Abriù,
E l’aurangleto messatjèro :
Malasit l’arrajat trop biù
Qui hasouc houne ma berjèro,
Sourèlh de la Candèlero,
T’au luminari dou toumbèu,
Jou, que plouri dens la barlaquèro
Ma beroyo nobio de nèu.
Embiado :
Se douman èi sens primebèro,
Se n’a d’abèlho si de mèu,
Goarderèi l’anado entièro
Ma beroyo nobio de nèu.