Ph de Gerde
Jo la pòrti en còr
Aquera audor santa,
E qu'ei en pr'aquò
Que'n vòi haut eth còr.
O !'r'audor de mossa !
O !'ra bona audor !
Audor fina e doça
De boish e de mossa
O !'r'audor de nosta
Jo pensi tostemps
Ar'audor de brosta
Qui's sent en per nosta..
Athh dessùs deths hums
Qui de tèrra e's lhèvan,
Qu'aledi eths herums
Ath dessus deths hums.
O! herums e ierbetas,
De boish s de serpol
Florits enas combetas
On òm soneja sol.
O !'ra bisauguèra
Qui flaira tan bon !
O !'r'audor leugèra
Dera bidauguèra !
Eth de qui non l'a
James aledada
Non sab qu'ei volar
Peth eishaure enlà.
O! herums encantaires
Qui m'audoretz eth temps
Deths ans doç e cantaires
Qui s'apèra Printemps !
Herums leugèrs e fins
De flors qui aimavi a cuélher,
Vengatz, vengatz m'arcuélher,
Herums deth mié païs.