(M. Romieu, L.V. Bethoven)
Cantem los qui après la guèrra
An sabut bastir la patz,
E avalit las termièras,
Las parets, los barbelats.
Que sauvaràm la nosta tèrra,
Si nos volem téner la man,
E trobar la fe navèra
Qui nse miarà tà doman.
Tà deféner la frairèra,
Tant d’òmis que son tombats,
Mès au miei de la horrèra,
Autes que se son quilhats.
Seguim los sus aquera via,
Qu’avem au còr l’ésper navèth,
De véder paréisher l’auba,
L’auba d’un monde mei bèth.
Que tots los pòbles s’amassen
Tà servar la libertat,
E que shens pausa caminen
De cap tà l’egalitat.
Ajudem-los dia après dia,
B’ei aquiu lo noste dever,
E cantem dab alegria
La patz, l’amor e l’esper.