Hilhs de la ploja

(B. Boué, H. Larrouy)

Quan vien l'abòr en las nostas campanhas,
Un mau estranh gaha tot lo païs,
Despuish la plana dinc a la montanha
Lo bòsc s'emplia com un gran honilh.

Repic :
Hilhs de la ploja, deu sorelh, de la tèrra,
Vienguts en gran mistèri, de la lua hilhons ;
Au pè deus cassous, au miei de la heuguèra
Beròis e frescs que vaden los nostes camparons.

Lo cassador partit per la matiada
Se'n va cap baish per lo còth de Rangon,
Shens poder véder l'ahoalh qui s'escapa
De palometas pleas de gaujor.

Quan un valent torna de la cuelhuda
Lo tistèth plen com un tonèth de vin,
Que fila dret, n'a pas besonh d'ajuda,
Sustot si passa tau camp deu vesin !

Entà saber d'on vien aquera carga,
E drin tanben t'ahiscar lo gojat,
Lo vesin vien entà la talejada,
Los uelhs tots flacs, com un gran ahamiat !

Après aver plan vueitat la padena
Que'u hè : "Totun, mès on los as trobats ?"
L'aute respon shens brica de vergonha :
"Praube de tu que m'at èi desbrombat !"

Fermer