Era longa plana s'estira
Blanca sens fin capvath eth nòrd ;
Esparricada au vent qui vira
La nèu que cai au temps d'abòr.
Entau sapin, sol dens lo vueit
Que'u se hè negra e hreda nèit.
Repic :
Sapin, palmièr o vigoletas
Plan luenh d'ací o en casau,
On ei la vertat, Jump'hadetas,
Jo que tròbi ací çò qui'm cau
E la doçor
D'ua cançon.
Sapin, segur, deves trobar
Qu'un palmièr sus un tuc de sable
Qu'ei plan vadut entà revar.
Tad eth, lo temps qu'ei mes aimable,
Mès en sorelh que hè caumàs
E lo palmièr non rèva pas.
Que siatz amassas o soletas,
Cassos torçuts deths arrabents,
Au long der'Ichès vigoletas,
Cap au sorelh e cap aus vents
Qu'avetz trobat ací, ça'm par
Eth temps de víver e de revar.