Ragga d'aci

Arrepic :
En bèth lòc que parlam l'òc,
Ena region que parlam gascon,
E perqué pas eth bigordan,
E patatuès, que parlam patuès.
Dab lo cap, cap, cap,
Dab la lenca, lenca, lenca,
Dab lo còr, còr, còr,
Que d'ei atau qui parlam l'òc.

Jo que sòi european,
European d'Occitania.
Jo que sòi occitan,
Occitan de Gasconha.
Jo que sòi gascon,
Gascon de Bigòrra.
Jo que sòi bigordan,
Bigordan en païs toi.
Jo que sòi un toi,
Un toi de Sers.
Jo que sòi de Sers,
De darrèr la glèisa.

Sus eth Gave e sus l'Ador,
Per montanha e valea,
Còla eth sang de Gasconha,
Còla eth sang de Gasconha.

Per l'arribèra, lo milhocar,
Per lanas e valons,
Còla eth sang dera Gasconha,
Còla eth sang de Gasconha.

Per lo vent, la Balaguèra,
Per lo cèu e las estelas,
Còla eth sang dera Gasconha,
Còla eth sang de Gasconha.

Per la nèu e per la ploja,
Los pericles e l'eslambrec,
Còla eth sang dera Gasconha,
Còla eth sang de Gasconha.

Per los òmis e per las hemnas,
Los mainats e lo gran-pair
Còla eth sang dera Gasconha,
Còla eth sang de Gasconha.

Per la cançon e per los mots,
Per la nosta lenca d'òc,
Còla eth sang dera Gasconha,
Còla eth sang de Gasconha.

Fermer