Vos qu'etz bèra e qu'etz joena

Vos qu'etz bèra e qu'etz joena,
Que sabetz tot sharmar,
Mès çò qui'm hè gran pena,
Que no'm voletz aimar.
Ajatz drin de feblessa
E no'm hètz pas sofrir,
Hètz essai de tendressa,
De v'aidar jo m'aufri.

La permèra despensa
Si voletz jo herèi,
Tà vos de complasença
Jamei non manquerèi.
Per dehens o dehòra
Au plus petit shiulet
Jo herèi a tota òra
Tot ço qui'm comandetz.

Acceptatz mon servici,
Agradatz solament
Que'v rendi quauque aufici
Dens mon petit mojen.
Mès que vos siatz contenta
Jo serèi pro pagat,
E si ètz reconeishenta
Que me'n saberatz grat.

De la reconeishença
Vienerà l'amistat,
Jo sèi per experiença
Qu'atau bèth que s'escai.
Arren no'v herà hrèita
Tà v'en assegurar,
Car atau quan s'ei hèita
Que vòu tostemps durar.

Fermer