(Despourrins)
Charmanta bruna, mas amors,
Aus despartits son las dolors ;
Nos be tocam a la jornada
Qui totara’nse deu separar.
A doman, serà la vrespada
Qui lo vòste amic partirà.
B’ei inutile de plorar
Quan tanpòc non poish demorar,
Que formam ua banda gaujosa,
Qui nos vam per lo Rei servir.
Ne’u mancarà tà estar urosa
Que drin de vòste sovenir.
Adishatz bruna, lo mié só !
Drin d’amistat gardatz per jo.
Jo’vs provarèi per ma conduita
Ma constança e fidelitat.
Que n’auretz trobat dens la vita
Arrés qui aja autant aimat.