Plaser de la pesca

Arrepic :
Adara que lo mié atge
E'm balha plan distraccions,
Que torni coma un mainatge
Susvelhar lo mié boçon.
Dens aqueth monde aganit,
Egoïsta, indiferent,
Deu petit arriu lo shebit
Dissipa los pensaments.

Jo que'm sovengui de n'i a gaire
A on un petit mainat esberit
Se n'anava dab la canavèra
Arretrobar trauguens e pesquits.
Installat devath lo pont de pèira,
Lo vielh pont de la nosta Ador,
A susvelhar lo boçon de leuge,
Lo petit boçon blanc e arroi.

Lo tròç de taòç tà la deriva,
Tot viste entornejat, perseguit,
Desapareishèva de la vista
Engolit per un gormand pesquit.
Abans d'acabar dens la moleta,
Lo petit vencedor maluròs
Sautericava dens la maneta
E tornava lo mainat uròs.

Quin plaser de pescar a la lua,
A la man, e los dus pès dens l'aiga,
Deu Soi lo cabilat qui s'estuja,
L'escravissa verda qui pechiga.
Mès qu'ei dificile de pescar
La pauruga trueita de l'Eishés,
De l'Arròs lo barbèu qui s'escapa,
E la pegosa angèla deu Boés.

Fermer