Hestejada

(Paul Laborde)

Arrepic :
Ara Hestejada que me’n sòi anat,
Eths tracàs, eths socís, a casa qu’èi leishat,
Ara Hestejada tots qu’avem trobat
Cançons, gaujor e amistat.

Près d’era buveta qu’èi arrecontrat
Mon amic Basila, tot escaralhat ;
Pendent ua pòsa qu’avem sirotat
Vin roi, vin blanc e vin rosat.

Puish deth chapitèu que’ns em apressats,
E eths autes gropes qu’avem escotat,
Tot en discutant deth darrèr marcat,
Dera vaca qui a vederat.

Puish sus eth empont nosautes qu’em pujats ;
Era nosta canta qu’avem presentat.
Un còp acabada, arrís n’a shiulat ;
Totun qu’avèm drin destonat !

Eth ser tots amassa que’ns em ataulats ;
De guits e mongetas que’ns em regalats.
Eth noste païs, tots qu’avem cantat,
Païs d’amor e de beutat.



Fermer