(R. Capdevielle, M. Lacaze)
Arrepic :
Noste vilatge qu’ei tot petit,
Mès que’ns i trobam plan.
Qu’arrencontram quauques amics
E de bon còr volem cantar.
Deguens eths arbes qu’ei esconut
Com un nid d’ausèth ;
Aquiu un dia que sòi vajut,
Tot qu’ei beròi e tot qu’ei bèth.
Se’vs voletz vier passejar
Pera nosta carrèra,
Segur que veiratz passar
L’Eishés de cap ar’arribèra.
Coma pertot cau tribalhar,
Partir de bon maitin,
De temps en temps cau s’abusar,
Trincar un còp dab eths amics.
Cantem tostemps, cantem mainats
Aqueth noste païs,
Mes de pertot que preferam
Eth noste petit paradís.