Que t'aimarèi d'amor

(Los de Nadau)

A l’òra de l’aubada
Que’t vienerèi cercar.
Coneishi ua istòria
Te la podi condar.
Si l’aiga shebiteja
Quan n’i aja pas nat brut,
A l’òra de las hadas
T’estuparèi las lutz.

A l’òra deu silenci
Que saurèi descobrir
Quan pòds estar beròia
E on son tos camins.
A la punta deu dia
Que’t prenerèi la man,
Pagèra de la mia
Tornaram començar.

Shens pieitat ni cadena
Com un huec dens la neit,
Com un huec dens la vita
Entà vira’t lo hred.
Que t’aimarèi ma miga
Sèi pas quant de maitins,
Ara luseish l’eslama
Lhèu que’s va amortir.

Si as los uelhs a la lua,
Qu’aniram passejà’ns,
Coneishi las estelas
Qui hèn virar los caps.
Si as los uelhs a la bruma
T’inventarèi sorelhs,
E ton còs serà prima,
La pausa d’un saunei.

Fermer