Filadélfa de Gérda, Geneviève Forgues
Arrépic :
Cada amna a sa mission sus tèrra :
‘Ra qui’m revié
Qu’ei de’m sovier.
E qu’ei perqué me’n vòi en guèrra
A tron e brom
Contra eth desbromb
Ò! Cantatz, vos, eth temps de glòria,
Eth temps beròi
D’amor e gòi !
Jo qu’arresèrvi
Era memòria
Aras herors
Deth temps negròs.
Mès, las! Dab eths castèths en penge
E’ths estenuts
Herauts e nuds,
Sòi sola a revariar’th revenge
Qui ei noste dret
Despuish Murèth…
Cregénças, us, e bens, e lenga,
Noste renom
E noste nom
Que’i an passat-qu’òm se’n sovénga !
E’ths pòcs sobran
Que i passaran !
E mentre que, doça e leugèra,
Vòsta cançon
S’enaira en sò,
Qu’enteni jo gran gemequèra
E crits de dòu
Pojar deth sòu.
Mès cantatz, vos : que cau que’s diga
E’s sàbia plan
Un tròç enlà
Qu’eth brume spés de qui’ns abriga
S’aleugerís
E s’esclarís.