Bèth cèu de Pau

(Darritchon 1849-1887)

Bèth cèu de Pau, quan te tornarèi véder ?
Qu’èi tant sofèrt despuish qui t’èi quitat.
Si’m cau morir shens de’t tornar revéder,
Adiu, bèth cèu, t’aurèi plan regretat.
Qu’aurí volut, Bearn, cantar ta gloèra,
Mès non poish pas car que soi tròp malaut.
Mon Diu, mon Diu, deishatz-me véder enqüèra )
Lo cèu de Pau, lo cèu de Pau. ) (bis)

Mès que te’n vas, beròia messatgèra,
Adiu, adiu, shens tu que’m vau morir,
Car lo Bon Diu entad eth que m’apèra,
Doman, belhèu, non serèi mei ací.
Puishque te’n vas, ve te’n tà la montanha,
Ve har lo nid devath noste portau.
Qu’auràs de tot, tà tu e ta companha, )
Au cèu de Pau, au cèu de Pau. ) (bis)

Fermer