Miquèu Berdòt
Arrépic :
Melina, Melina,
Au còrn de ton còr guarda ua plaça
Melina, Melina,
Que vam vàder vielhs amassa.
Cada cople a son istòria,
Au pregond de la memòria,
N’i a pas nat amor passat,
Qu’estò jamei panat.
Sovier d’un bal a setze ans,
Petant de paur en t’espiant,
Dançavas hautorosa,
Dab d’autes pro urosa.
Tu tan luenh sus l’auta riba,
Ombra d’eslama hueitiva,
Quin podèvi te gahar,
Shens riscar d’escautà’m.
Un dia totun qu’èi gausat,
Dab l’alcoòl drin ajudat,
Enfin baishas de l’escala,
Tremolanda e palla.
Quan la ròda deu temps vira,
La vita un riban estira,
Chic a chic holia passa
Demora la tendressa.