André Bouéry 1821-1879
Passa, passa, passa cançon !
Non siàs tu perduda
Ni desconeguda
Peth lonh deth mon !
Passa, passa, passa cançon !
Arrès ací non t’arrespon,
Passa cançon !
Perqué non cantas, tu, praubonha
Ath torn deth noste campanar ?
Aquiu te voi ! Ve-i, tu, minhona !
Jo, dab tu, ja i podèssi anar !
Ve’t abrigar davant Saprada,
Brabes amics que i trobaràs ;
Que i trobaràs mair areulada
A mair de jo que parlaràs !
Lèisha, coma’ra broma espessa
Eths chagrins arrodà’m ath torn ;
Ben ! Non parles de ma tristessa
Mès parla hòrt de mon amor.