(D’après Pastoretas deu Benon, tradicionau d’Aussau)
Charmanta pastoreta, beròi Patou,
Auritz dab vòstas aulhas un moton ?
M’ei partit deth cujalar,
Sòi fatigat deu cercar,
Qu’ei corrut duas òras a,
Sinse lo trobar.
Mossur de vòsta pena jo preni part.
Digatz-me donc shens crenta ni retard,
Lo moton qui vos cercatz,
Ei blanc o negre, o pigalhat,
Coi o còrn arrevirat,
Vestit o cojat ?
Lo moton qui jo cèrqui, còrn arrevirat,
Vestit d’ua lan blanca, qu’a l’uelh plapat,
Qu’ei elegant, qu’ei fièr,
Que marcha dab un gran èr,
Sustot au còr de l’ivèrn,
Que hè sauts en l’èr.
La-haut dab mas aulhetas que l’avetz,
Peishent l’erba fresqueta, lo muguet.
M’ei arribat au cledat
Demandar l’ospitalitat,
L’èi recebut dab bontat,
Diu que’u v’a sauvat !
Mès coma recompensa qué voletz ?
La mia recompensa un anhèth.
Un anhèth que’vs voi balhar,
Lo mes bèth deu cujalar,
Mès vengatz lo-ve cercar
Sinse mes tardar.