Louis MANDERE
Lou téms qué desglare
Coum ue aygue clare
Las ores dé Diù
Que s'en ban houeytibes
Coum si èren fautibes
Las amous d'estiù.
Tout ço qui'm démoure
N'ey qu'u goust d'amoure
Dou beroy sendé...
De las flous panades
Beroyes maynades
You qu'ey l'adirè...
Répic :
O beroyes amouretes
Arizets bagnats d'azu
Qu'eslouribet coum flouretes
Au casaù dé ma joentut
Mes las flous soun estadides
Et l'estiù s'en ey anat
Amouretes qu'et partides
E l'abor qu'ey arribat.
Quinze ans qu'ère l'aydye
De l'amou boulaye
Dous permès poutous
A vint ans, maynades,
You què-p-ey aymades
D'amou lou mey dous.
E, cause ségure,
La poume madure
Mès tard, qu'ey goustat
Mes Diu qué perdoune
Lou qui s'abandoune
At aquet pécat.
Aù bord dé l'ayguète
De l'ariu clarète
Que m'en souy anat
Mes n'ey pas tournade
La brune maynade
Qui abi tant aymat
Aù soun d'ue branque
U merlou qué cante
L'aurost ta l'amou
Qu'ey biengut lou die
De cambia dé bie
Ta gnaùte cansou.