Arrenolat

On cau anar, diguetz, gojatas,
Que pr'aciu baish vos-n vatz segar ?
On cau anar ? Plumas ni patas
No'm podem mes arrossegar !
Cau prénguer de cap ara lana ?
Tot sol que m'i van escanar...
Cau baishar de cap ara plana ?
Diguetz-me donc on cau anar.

Arrepic :
Vira, vira,
Vira, vira, vira
E seguí­s de tira
Sus eth costalat !
Vira, vira, vira
De cap a Cagira,
De cap a Cagira,
Arrenolat !

Qu'ei vist corbaces en Auvernha,
Qu'ei vist perròts aths Tolosencs.
En passant qu'ei prés era hèrnha
Dab eths parrats d'aciu laguens.
Tot èra lèth, tot m'ahastiava,
Çò de vielh coma çò de nau...
Sense rí­der jo m'aveitava
Aqueth aujami de pr'acitau.

Solet pertot jo que'm trobava
On se volh qu'anessa càger !
Quants de còps se m'arrebrembava
Eth ninc on m'adesquèc ma mair !
D'aqueth ninc, be'n tròbi'ra traça
E, praube audèth eishalatat,
Arren de vedé-u que'm deslassa !
Uròs que s'i teng acatat !

Fermer