Cançon de brèç

(Alexis Arrette-Lendresse)

Barra los uelhs, beròi, qu'ei l'òra
De t'adromir jumpat per lo saunei,
La nueit qu'ei doça e per dehòra
Mila lugrans que peiran lo camin deu rei.

Que pòts partir tad aqueth monde
On l'ausèth blu t'encantarà
E las estelas en abonde
Que s'avançan tà't cossirar.

E suu vaishet d'un blanc nuatge
L'anjo de Diu qu'ei prèst tà't passejar
E jo que vei suu ton visatge
Quan te'n arritz la lutz deu cèu lusir dejà.

Barra los uelhs entà la tèrra
Près deu barçon que't vau guardar,
Sequeish lo rève qui t'apèra,
Lo temps tant viste que se'n va.

Barra los uelhs, beròi, qu'ei l'òra
De t'adromir jumpat per lo saunei,
La nueit qu'ei doça e per dehòra
Mila lugrans que peiran lo camin deu rei.

Fermer