Nono

(Nadau)

Au ser espia las aulhetas,
Qu'an lo gave au hons deus uelhs,
A s'i embrumar las amoretas,
A s'i negar tots los sauneis.
Escota plan los anherons
Quan ploran a tot doç
Lo cant d'amor deu monde.

N'i a tant e tant qui an tèrra
Qui ne son pas paisans,
Tu qu'ès paisan shens la tèrra,
N'as pas que las duas mans
Entà breçar los anherons
Quan ploran a tot doç
La gran pena deu monde.

Que's vederam tà la hèira
Per Sent Miquèu a Tarascon,
Que vam petar la cantèra
Darrèr las cledas, tu e jo,
Tot a costat deus anherons
Quan ploran a tot doç
Taus maquinhons deu monde.

Quan e me'n harta la fatiga,
Quan lo temps ei au plogèr,
Au men costat qui camina,
Que i a ua ombra d'aulhèr
Qui dança autorn deus anherons
Quan cantan a tot doç
Tots los primtemps deu monde.

Fermer