Joenessa de là-baish

Joenessa de là-baish
Çà-vietz escotar si vos platz
Ua navèra cançon
Hèita per un joen aimador.
En aqueste endret
Qui vosauts sabetz
En tota sason
Que s'i hè l'amor.
Hilhas a maridar
Non v'i deishetz pas trompar,
Pensatz au vòste estat,
Deishatz los aulhèrs de costat.

U dia en mon pradèu
Soleta a guardar mon batèu,
Aquiu n'aparescò
Nada auta persona que jo.
Pugèi drin mei haut
Aquiu m'atrapè
Un beròi aulhèr.
Qu'avè los uelhs graciòs
E l'èr deus charmants aimadors.
Que començam de parlar,
Véder si'm voli maridar !

Que l'espièi tendrament
Dab un èr de contentament
E shens tròp de faiçon
Qu'entrèm en conversacion.
Prengòm un moment
De contentament.
Leishem pacatjar
Lo noste bestiar.
Mon Diu los doç plaser
Despuish lo matin dinc au ser
D'estar tots dus solets
A l'ombra d'aqueth arbolet !

Fermer