Que m’ei partida’ra memoèra,
Misèra, misèra,
Totun que’m brembi d’ua istuèra
De qui’vs vòi condar.
Bèth temps as i avè ua tèrra
Tant bèra, tant bèra,
La se pelejavan pauc-hèra
Tà hèr-la dançar.
Ditz-me de qui ei’ra montanha,
Eth mar, era planha,
Ditz-me de qui son aqueths camps,
Entiò quan, entiò quan ?
Ací’th ausèth sus era branca
Qui canta, recanta,
Ací l’arriu qui non s’estanca,
A huec va galant…
Santat que i age ! Ara tua !
S’ei bona’ra lua,
Mès avisa’t charmant mossur,
Qu’ei un jòc, pas un junh.
De uei que’t pòdes acontentar,
De doman sonejar,
Per quate dias qu’em ací
Ve tirar drin de vin.
Quin te va ?
Que vas plan.
Pas com tu, ça’m par…
Quantas mans as tocat ?
Quantes veires punat ?
Avisa’t lèu mossur !
Non sòi pas entà tu…
Sonque un petit moment
Tà passar drin de temps.
Quantes pas ?
Quantes còps ?
Au tròt o au galòp
As corrut
As hulhut
Quantes dias perduts ?
Quantes sorelhs honuts ?
Quantes amors esconuts ?
A plaser
Jo que’n vòi
E n’èi pas nada gòi !…