Lo capulet roi

Au pè de la montanha
On lo valon d'Aussau
Gaujòs com un casau
S'esten dens la campanha,
A l'endret d'on jo soi
Que i a ua bergèra
Tant bèra e tant fièra
Qu'a lo capulet roi,

Quan lo dimenge arriba
Coefa son petit cap
De blanc tot estelat
E que se'n va hueitiva
Hòra de l'on jo soi.
Perdi mon temps en còrrer,
Lo bonur que'm demora
Dab lo capulet roi.

Sus un sendèr de mossa
Que la veden passar
Shens càder ni glissar.
Qu'ei l'amor qui la possa
Tà viéner d'on jo soi.
Tanben a la velhada
La mei bona calhada
Qu'ei tau capulet roi.

Las damas d'Aigas-Bonas
Vadudas Diu sab on
Que portan sus lo front
Grans chapèus e coronas.
Mès tau paí­s d'on soi
Totas vòstas richessas
Valen pas las tendressas
Deu men capulet roi.

Nosauts pastors qu'em praubes,
Si'ns volem maridar
Lo tresaur qui aimam plan
Qu'ei l'aunor de la rauba.
Qu'ei aqueth que jo voi,
D'amor n'auram pas hreita
Si lo Bon Diu me guaita
Lo me capulet roi.

Fermer