Hymne à Bacchus

Quan sòi nascut, sòi nascut en autona,
Eth pair Bacchus m’ac avè tot dit
E que’m batièn dab eth chuc dera trelha
E que’m dèn nom de “ Sans Souci ”

A dètz ans qu’anavi tar’escòla
Que parlavi dab Isabo e Catin,
Que’m disèn qu’avèi eths sarrampilhs
Mès que n’èra qu’eth chuc deth arrasim.

A vint ans qu’avèi ua mastressa,
Que la prengoi e non la trobèi mes.
En cercant plan que trobèi’ra botelha,
Praubes amics, n’ac èi pas tot pergut.

A trente ans, ath mes bèth deth mié atge,
Passavi eth temps aus plasers de l’amor.
Que’m hè mes gòi ua taula garnida
Qu’era mes bèra dauna deth castèth.

A quaranta ans eth frair que’m demanda
De partatjar eths sués bens dab eths miés.
Jo n’ei pas nat partage a hèr,
Cabaretièrs seràn miés airetèrs.

A cinquanta ans qu’avèi seishanta botelhas,
Hasoi present aths mainats de Bacchús,
Hasoi present aths mainats dera trelha
Sens’ desbrembar eths mainats “ Sans Souci ”.

A seishanta ans un pè ena tomba
Ei plan viscut, que’m sòi plan divertit,
Après’ra mort que’m hiquèn en carròça,
Dera mia vita non an pas hèit autant.

Petits ausèths que cantatz sus’ra mia tomba,
Anatz díser e cantar aths quate cuenhs deth món
Anatz díser encara aths quate cuenhs deth món
Eth pair Bacchús ei mort d’aver tròp chucat.

Fermer