Adishatz pastoretas deu Benon,
N'auretz dab vòstas oelhas un moton ?
M'ei partit deu cojalar, sòi fatigat de'u cercar,
Qu'èi corrut duas òras a, shens podé-u trobar. (bis)
Mossur, per vòsta pena ne'v planhetz pas.
Digatz-me shens crenta, shens nat mau,
Lo moton qui vos cercatz ei blanc o negre o pigalhat,
Coi o còrn arrevirat, vestit o cojat ? (bis)
Lo moton qui jo cerqui còrn arrevirat,
Vestit d'ua lan blanca, qu'a l'uelh plagat,
Qu'ei elegant, qu'ei fièr, que marcha dab un bèth èr,
Sustot au còr de l'ivèrn, que hè sauts en l'èr ! (bis)
La-haut dab mas aulhetas que l'avetz,
Peishen l'erba fresqueta deu muguet.
M'ei arribat au cledat demandar l'ospitalitat,
L'èi recebut dab bontat, Diu que'u v'a sauvat ! (bis)
Tà vòsta recompensa que voletz ?
Herà mia recompensa un anhèth.
Un anhèth que voi balhar, lo mes bèth deth cojalar
Mès vengatz lo-ve cercar, sense mes tardar ! (bis)