Ath som d’Asun que i a ua bruna !
D’ací en vath, que non n’i a qu’ua !
Qu’ei amorosa d’un aulhèr,
Que’s moriré si non l’avè.
De bon matin se n’ei lhevada,
Tot pès-nuda, descauçada,
Se n’ei anada tau vergèr,
T’anar ved’a passar l’aulhèr !
Hòu, Janinon, si’m voletz créger,
Que deisharís d’anar lo véger ;
Que deisharís aqueth aulhèr,
Que’n sabi nh’aute qui’t volè !
Au devarar de la montanha,
E au retorn de la campanha,
Que’t darèi lan tau cotilhon,
Que fenirà de hèr l’amor !
Tà Nosta Dama de Seteme,
A Argelèrs que’s tornam véger !
Que cromparam un anèth d’argent,
Que’us renderà lo còr content !