Charmant Ausèth

(A.Pujol, J. Béars)

Ditz-me, beròi ausèth,
Quan tornas entà nosta
Quin refren cantas donc
Dab ua voètz tan doça ?
Quan arriba ath bèth temps
Qui vié dera montanha,
Ditz-me, qué cantas donc
Perdut ena campanha ?

1èr arrepic :
Qu’admiri’ra verdura
Que Diu nos a balhat,
Eth primtemps’na natura,
Que canti Libertat. (bis)

Ath meilòc deras flors,
Ath mei deth mes d’abriu,
Deth maitin entòth ser,
Tot près deth bèth arriu,
Charmant ausèth ditz-me donc
Quan sie er’auròra,
Ditz-me eth tué plaser,
Qui donc cantas encòra.

2nd arrepic :
De segat en segat,
Que sòi libre d’espace,
A tota òra deth dia
Canti Egalitat. (bis)

N’as tu pas en ta voètz
Tan beròia tà nos
Ua vielha cançon
Qui conta los amors ?
Deth noste bèth païs,
Tèrra dera Bigòrra,
Ditz-me charmant ausèth
Çò qui cantas encòra ?

3au arrepic :
Ò tèrra tant charmanta,
Que t’èi tostemps cantat,
‘Ra cançon immortèla
Dera Fraternitat. (bis)

Fermer