A truc batant

(Eras Jumpadetas)



Tostemps espiar
Ad endavant
A truc batant
Atau que'n van
A tot camin
Cap sus sapins
Peths artigons
Bèths avajons

Las avès penjadas 'na bòrda en saumèr,
Son bèras esquèras de coeire e de coèr,
Que t'an vist bidara tornà'n batalhar,
Qu'an comprés ausèras qu'èra entà doman.

Las amassaràs en prat dera hont,
Campadas e fièras, mastressas que son,
Que't hèn plan doç uelhs, honejan eth cap,
No's da pas nada ància aquera libertat.

Cardina permèra dab sa pelha blanca
Estira eth tropèth, jamès non s'estanga,
Sab pojar tà Lhèris sense capvirar,
Qu'amia las autas, eth vaquèr, son can.

Delà Coma-Seca entà béver un còp
A tu a galet, eras en eth clòt,
Eslampets que i a au som deth Huelhassar
Hica't eth capèth, deisha pèisher eth bestiar.

Qu'an seguit era dança der'ausèth en cèu,
'Ras penas son bluas, lo ierbilhon vert,
Eth ser que s'apòsa òm s'i vei pas mes,
On son 'ras campanas qui soavan adès ?

Ara que te'n tornas solet dab eth can,
Ton còr que chanqueja a cada calhau,
Seràn plan vesiadas, s'van pas avejar,
Las aneràs véger maitin ath clar.

Fermer