Era maison dera valea



M.Cazenavette
Sus eth camin de Banheras
Ath bèth mei deth Castèth Lobon
Que troberatz ua batissa
Ath crotzament de Gazòst.
Com eths nostes petits vilatges
N’an pas mes nat bistrò
Quauques mossurs que decidèn
Dera Maison dera Valea.

Arrèpic :
‘Ra nosta Maison dera Valea,
En prat d’Alfred s’ei assietada,
Hèita per segur coma t calè
Entà’i minjar, béver e cantar.

Anatz-i quan etz tristes,
Solitaris o ahamiats,
Non i a pas shagrin qui resista
‘Nçò de Memèna e Jean-Michel.
‘Ra loa amistat que’vs va cambiar,
‘Ra loa sopa que’vs va regalar,
En passant ath petit tròt,
En passant bevetz un còp.

Estancatz-v’i tota’r’annada,
Toristes, aulhèrs, cassadors,
O champions dera belòta
Com Armand, Raymond e Pierròt.
Après aver’rehèit eth monde
E està-se drin engulats,
Finiran per canta-ne ua
Tot en béver un bon patac.

E puish eth dia dera hèira,
Entre cabalas e etalons,
Entà poder’estar dera hèsta
Athèu que seram tots.
E s’an agut era medalha,
Se non son pas tròp estacats,
Philipp’e Claude tot en cantar
Eth champanha que pagaràn.

Fermer