(Canta locala de Bòrça en Aspa)
A la rastora deu hroment (bis)
Que i avè ua pastorèla
Qui cantava d’un èr fòrt lègre.
Un joen mossur vengó a passar (bis)
A cada pas qui s’aprochava,
Filheta n’etz vos maridada ?
Maridada jo no’n soi pas (bis)
Mès ma paraula m’èi balhada
Ad aqueth boèr qui au camp laurava.
Filheta, vòs quitar aqueth boèr (bis)
Quita l’estat de paisaneta,
Rentra meilèu en gentilhessa.
Gentilhessa jo no’n voi pas (bis)
Qu’aimi meilèu son agulhada
Que vos, Mossur, vòsta espada daurada.