Gojats de Labassèra

Arrecuelhut a Labassèra en 1910
Que sòi vengut deth hons de Labassèra
Car jo tanben taths praubes que sòi bon.
Quan èi pagat ua plaça de partèrra
Que’m vlèn tirar eths esclòps e eth baston.
Que sòi paisan , mès que me’n hèi ua glòria ;
Mès que vosauts sovent sòi fatigat.
Jo non èi que hèr ni de patz ni de guèrra,
Non sòi content que quan èi plan laurat.

Qu’as dit, gojat, tu non as que hè de guèrra ?
On ès nascut ? Non ès pas donc Francès ?
Qu’èi coma tu tribalhat era tèrra,
Mès qu’èi après despuish quauqu’arren mes.
Ath som d’Almà qu’èi grimpat com un diable,
Qu’èi hèit valsar eth prince a Mexicò,
A Inkerman qu’èi bravat eth obstacle
E qu’èi dançat ath som de Malakoff.

Vòsta valor, jo la tròbi sublima ,
Mès jo tanben, qu’èi’ra mia porcion.
Praube soldat, qu’aurès hèit trista mina
A Malakoff sense nat pantalon !
Tot plan gardat eth telèr que i èi ma plaça.
Tu, ven laurar, tu susteng eth drapèu ;
Tot bon Francès de n’impoòrta’ra classa
Qu’aproberàs eth modèste tablèu.

Quant a l’autor, Mossurs, adès que i èra,
Que’m sembla plan’na fola l’aver vist.
Si avetz besonh, en sortir, drin de bièra,
En eth cafè dera Hont que seveish.
Qu’ei a tau dia de l’annada passada
Que dab nosauts s’ei volut associar,
Si’r’indulgéncia l’èra acordada
Que m’a pregat de’vs voler remerciar.

Alma : Victòria francò-anglesa sus eths Russes en Crimea en 1854.
Malakoff : Defensa de Sebastopol (Crimea) , uei Akhiar (Ukraina) gahada peths Francès en 1855.
Inkermann : Quartièr de Sebastopol, victòria francò-anglesa sus eths Russes en 1854.

Fermer