(Filadelfa de Ierda)
Qu'èra deth temps beròi e doç
On nosta lenga èra parlada
Peths arreis e peths trobadors
Quan passè 'ra negra halada...
Qu'èra deth temps beròi e doç
On nosta lenga èra parlada
Arrepic :
Praube parlar ! Praubes mainats !
Praube passat ! Prauba Gasconha !
Abandonats
A hèr vergonha!
Plasenta lenga deths aujòus,
Ath còp tant doça e tant galauba,
Puishque, cargats a croishir'ths òs,
E plegam davath era aubarda,
Plasenta lenga deths aujòus,
Qu'eth Cèu e't prénia encòra en garda !
N'ei pas en vatlas, Diu-me-dau!
Que sèt cent ans t'a conservada :
Dejà mes d'un qui parla haut
T'a hèit, ath ser, cantar'r'aubada ;
E que'n venguerà , Diu-me-dau !
Qui't haran sonar'ra lhevada !