(Nadau)
Eh ! los amics de la shuqueta,
Dab lo bon vin que trinqueram.
Los qui n'an pas bevut qu'aigueta
Entà l'in.hèrn se n'aneràn.
Mès quan Sent Pièra
Obrirà la grana portièra,
Que'u diseram
Ça'i, ça'i, gormand
Béver lo vin blanc
E vos tanben pairs de familha
Qui vos trufatz de har l'amor,
Ça-vietz ací har la manilha
E béver drin deu vin deu bon.
E vos tanben hemnas vielhòtas,
Qui hialatz au cornet deu huec,
Que siatz praubas o devòtas
Qu'aimatz a béver lo vin sec.
E vos tanben las gojatetas
Qui avetz aus pòts l'arridolet,
Tà començar las amoretas
Ça-vietz ací béver lo borret.
Mès quan Sent Pièra...