Vos qu'etz bèra e qu'etz joena

Vos qu’etz bèra e qu’etz joena,
Vos sabetz tot charmar,
Mès çò qui’m hè gran pena,
Que no’m voletz aimar.
Ajatz drin de feblessa
E no’m hètz pas sofrir,
Hètz essai de tendressa,
De’v aidar jo m’aufri…

La prumèra despensa,
Si voletz jo herèi,
Tà vos de complasença
Jamei non mancarèi ;
Per dehens o dehòra,
Au mei petit siulet,
Jo harèi tot a tota òra
Tot çò qui’m comandetz.

Acceptatz mon servici,
Agradatz solament
Que’v rendi quauque aufici
Dens mon petit mojen.
Mès que vos siatz contenta,
Jo serèi pro pagat,
E s’etz reconeishenta
Que me’n saberatz grat.

De la reconeishença
Vienerà l’amistat ;
Jo sèi per experiéncia
Qu’atau bèth que s’escai !
Arren no’v harà hreita,
Tà v’en assegurar,
Car atau quan s’ei heita
Que vòu tostemps durar.

Fermer