T'on vas

Los de Nadau

Lo men païs qu’ei com ua isla
Quate maisons devath lo cèu
Hilh deu gave e de la saliga
Que soi marin shens nat bateù.

T’on vas,
Tu qui non poden maserar,
T’on vas….

E qu’ei aquin la mia escòla
Qu’i èi après a tot jamèi
La libertat e la bracòna
D’aqueth rejaume soi lo rèi.

E en espiant colar l’aigueta
Qui se m’emporta lo vagar
N’ei pas de pena, ma Janeta,
Si n’ei l’enveja de plorar.

Puish quan sial o darrèr viatge
No’m tirarèi pas lo bonet
Portatz-me donc auprès deu gave
Qui n’estò pas jamèi vaillet.

Que me’n tornarèi tà la tèrra
Qu’i em tots a egalitat
E donc amics tà la hartèra
Un darrèr còp que canteratz.

Fermer