(M. Abbadie, B. Boué)
Uei que soi jo, embarrat hens l'ostau,
Dab lo flaquèr, lhèu ua malaudia,
Lo mei qui poish qu'ei d'anar tau portau
Alavetz escota, ò ma miga, ò Maria :
Repic :
Amor d’Aussau,
Lou temps passat
Amor d’Aussau,
Que t’ei güardat.
Parla per jo a l'ausèth lo mei haut,
Que l'as sovent de cap a Pèiralua,
Que'u diseràs que soi hèra malaut,
Que baishe lèu shens esperar la lua.
E l'esparvèr autanlèu arribat,
Suu linçoù blanc pausarà l'immortèla,
S'emportarà mon amna au bordalat,
A l'endret on viscom ue vita tan bèra.