(A.Arette-Landresse)
Au beth soum de la coste mayère,
A l’auberye de Pèle-busocs
La gouyate qui hé la bachère,
De mey bère nou s’en trobe enloc
Aus gouyats qui au parlen de houlie,
Qu’à sabut toustem disé que nou,
Lou patrou que l’apère Marie,
Nous auts que l’apéram : MARINOU.
Répic
Marinou, Marinou, Marinou, tant bère
Quin bos que parlem de pintous,
Quoan l’amou, Quoan l’amou, Quoan l’amou s’apère
A l’entour de tous coutilhous ?
Qué s’y bét amaturs de barriques
Qui s’at bébéren tout t’au brouquet,
Marinou qu’ous té coupe la chique,
Quoan la béden qu’ey d’ère qui an sét.
Qu’y bien même amaturs de tisanes
E qui soun défenduts de l’alcool
Eths tabé dé tard qué hen mangane,
Marinou qu’aus héré bébé au bol.
Permou d’abé crégut qu’ue oeilhade
Qu’esté heyte à Bernat de Lassus
U beth sé Peyrot de Lataulade
Drin pintat qu’au té sauté dessùs
Désempuch qué s’y coupe bachère
Mes n’ey pas per patacs ni per sos
Qui la poudéran préné l’enchère,
Marinou qué facture lous tros !
Repese dou darre répic
Marinou, Marinou, Marinou, tant bère,
Qu’ey lou tou noum, soul Marinou,
Qui toustem, Qui toustem, Qui toustem s’apère,
Permou qué rime dab l’Amou….Marinou !!