Avisatz


(D. Casteyde, J. Jankovich)


Sus nosta tèrra de Bigòrra
Païs de patz e de beutat
Ni nada lei ni nat òmi
Non poderam se’n maserar
Mainats, vielhòts, hemnas e òmis
D’ua mèma votz que canteram
Sus nosta tèrra de Bigòrra
La libertat que i garderam.

Tau com lo Gave o l’Ador
Qu’i em esconuts nostas amors
Que volem víver sense trobar
Nada barrana tà s’i enclavar.
Las aigas pugen hens grans gorgs
Ta protetjar a grans esclats
L’amor tant doç deths amorós.

Quan un aulhèr crida sa tristessa
De véder un dia se’n anar
Tot çò qui hasè sa richessa
Lo tropèth qui peish en libertat
Que sie de rason o de passion
Lo Bigordan saurà tostemps
Gardar ath hons de sa maison
Fiertat, aunor e hèr serment.

Que sus nosta tèrra de Bigòrra
Païs de patz e de beutat
Ni nada lei ni nat òmi
Non poderam se’n maserar
Mainats, vielhòts, hemnas e òmis
D’ua mèma votz que canteram
Sus nosta tèrra de Bigòrra
La libertat que i garderam.


Fermer