Que vam cantar lo vielh païs
On em vajuts, on demoram,
Vos, estrangèrs qui l’avetz vist,
Que sabetz plan perqué l’aimam !
Qu’ei lo païs d’Ador
Lo païs de Bigòrra,
Lo bèth païs d’amor
On cantam a tota òra.
Que’s canta lo plaser de rencontrar l’amic
E d’arríder dab eth en pechigant’s un chic.
Hòrta e clara amistat
Au paîs de beutat, païs de beutat !
Charmants arrius, montanha e lana,
Campan, Banheras, Vic, Rabastens,
Tarba tanben, en miei de plana,
Tot qu’ei beròi, tot qu’ei plasent.
Sus los bòrds de l’Ador
Coma la palometa,
L’amna deu trobador
Torna a son amoreta.
E que s’enten sovent ua votz encentada
Díser au cèu e au vent la beutat de l’aimada.
Au païs de l’amor sus lo bòrd de l’Ador,
Au païs de l’amor sus lo bòrd de l’Ador.
Cantem tostemps noste païs
Lo cèu qu'ei blu, e que i hè doç
Nosta joenessa qu'as neurit
E joens e vielhs que t'aiman tots
Qu’ei lo païs d’Ador
Lo païs de Bigòrra,
Lo bèth païs d’amor
On cantam a tota òra.
E qu'entenem sovent eras votz de Banheras
Díser au cèu e au vent la beutat dera canta
Cantem cantem tostemps lo beth païs d'amor!
Cantem cantem tostemps lo beth païs d'amor!