Lou tango Bigourdan

Amélie Dassieu

Quan lou printems au prat
Hé poussa millo flouretos
Den mon cô, drin de tristesso
Men brembi lou tems passat
Quan n'aoueo que bint ans
Lou cap tout plé d'allegresso
E enta las amouretos
Qu'éri permé au parsa
Qu'éri lou rey dou tango bigourda.

Aou-n'ey passat lou tems
Lou bet tems dé las pélèros
Dé las espélouquèros
Dé bugados d'aoustes cops
Quan lous amics, lou sé
S'amassaouon daouan la taoulo
Entounaouon las cansous
Trinquaouon touts, beouon ù cop
Aouan de dansa lou tango bigourda

Quan l'hiouer sus la plano
Espariqu'uo pelho blanco
Lous bésis a la belhado
Bengaouon s'asset ; aou cantou
La Jano, sus la braso
Hasao rousti las castagnos
Lou Milou amiao las cartos
E lou Yantet l'accordéou
Enta hé dansa lou tango bigourda.

Aou n'ey passat lou tems
De la hesto dou bilatje
N'aoueon pas coumo taoulado
Que las estelos dou céou
E la ma den la ma
Las béroyos maynados
Proumeteouon a la may
Dé poudé tourna prou léou
U cop acabat lou tango bigourda (bis)
La la la ...

Fermer