(Los de Nadau)
Arrepic :
A qué pensas Françoès
Eth pè sus’ra mureta
Eths uelhs sus eth Burat ?
Que’s lhèva eth sorelh
Eth temps que se’n va
Com eth shum de cigareta,
Un de mes un de mensh
Aneit ath Corrau Vielh.
On va eth vent, on va’ra vita,
Tots aqueths qui son partits,
On va l’aigueta dera Pica
Qui s’empòrta eths sovenirs.
Entà seguir eth noste viatge
Un tròç de tèrra, un tròç de cèu,
Non n’em ací que de passatge,
Traça d’un pas sus era nèu.
Jo’m vau tornar entara plana
Eth còr dolent, tot tristonet
Dambe laguens eras campanas
De Nosta Dama de Luret.
Eras palomas se’n van tà’Spanha,
Eth aire sent eth arredalh,
Adiu país, adiu montanha,
Que tornarà eth mes de mai.