La moleta

(Nadau)

Fenit la maionesa entau borit,
Fenit lo temps de la cueisha de guit,
N’i a pas que mortadèla e salamís,
N’i a pas que sopa magra e maishant vin.

Arrepic :
Mès tà la mo… la mo… la mo… tà la moleta,
Sonque dus ueus e un pipèr,
Tanben la mai… la mai… la mai… la mainadeta
Ara padena un huec d’in.hèrn.

Fernand volè estar lo mes brancat,
Crompè un d’aquerò liofilisat,
Dab ua vielha saucissa de Strasborg
Pensè, perdiu, petar de mala mort.

Qu’ensagè un d’aqueths fast-food hastiaus,
On s’i craca autan viste que mau,
Mostarda au mens que’n avèn hicat pro,
Non trobè pas lo gost deu Canigó.

Un dia qu’avó un ventre de paur,
Quan sabè qu’avè lo cholesteròl,
Hartè pas que salada entà guarir,
Que balhè lo son pòrc au medecin.

De minjar “ bio ” que decidè lavetz,
E hè borir milhòc e ris complet,
Tota la nueit qu’èra enlusernat,
Vedè passar rostits e tròç d’aucats.

Qu’arribè çò qui devè arribar,
Que’s morí d’un gran vueit a l’estomac,
Qu’arpasta adara vèrmis e cussons
Qui cantan tots amassa la cançon.

Fermer