Montanhas d’Aussau

(P. Lafenêtre )

Repic :
Montanhas, montanhas d’Aussau
Qu’avetz gardat mas amors com’cau,
Montanhas, montanhas d’argent
Que m’avetz virat lo maishant vent
Montanhas, montanhas deu cèu
Qu’amantatz mas amors dens la néu
Au bèth som on l’agla vola haut
On lo sarri hè pitnets e sauts
Com de las immortèlas las flors
Las montanhas gardan mas amors.

Autes còps que corrí los sendèrs
Per baricombas e per terrèrs,
Pè-descaus tà non pas lo har paur
Que güeitavi lo gat esquiròu
Lo sanglar susprés en s’escapar
L’auseralha que hasè carar
Mes lo cocut urós
Que cantava de pos
Que tots los nids qu’èran çò de son
L’arreclam que hasè
Audir a qui volè
L’arrepic de la sua cançon.

Un printemps dens lo gave d’Aussau
A pescar passavi lo matiau.
Tot d’un còp qu’ès venguda au bèth près
Que m’espiavas com s’em coneguès
E lo còr que se m’ei estancat
Esmavut per la tua beutat,
Arren non saboi har
Que sonque demandar
A las montanhas çò qui èra aquò ;
Que’m digón que l’amor
T’avè enviada a jo,
E despuish non hèm mes qu’un sol còr.

Fermer