Tradicionau deth Lengadòc adobat en gascon
Tantòst, tantòst , vendra la prima,
E mai, lo polit mes de mai.
Lo mes de mai floireish e grana,
Cada boton ’speleish sa flor.
Los joens galants que la cuelhen
Tà la portar a lurs amors.
Harèi pas atau per la mea,
Car jo que’n soi dehens la tor !
Qu’em tres dens la preson escura
Que non s’i vei sorelh ni jorn,
Sonque per ua lucarneta
On passa drin l’auba deu jorn.
Se pr’aqiui passa l’irongleta,
Messatgèra deus amoròs,
Que’u harèi díser a ma minhona
Que me’n mande un pastisson.
Que’n sia pas de carn de lebe,
De laudeta, ni pesquiton,
Que sia garnit per un haure
De limas e d’un marteron.
Atau limaran las herralhas,
Lo martèth picarà la tor ;
E quan la tor sia caduda,
Los presoèrs auràn largor.