Passejada en Haut-Ador

(G. Abadie, E. Duplan)

Arrepic :
Balha’m era man Lilòia
E’m vòs acompanhar
A travèrs la montanha
Qu’aneram passejar.

Un bèth maitin d’estiu
Peths sendèrs qu’em partits,
Las estelas deth cèu
Que’s vievan de clucar,
Eth sorelh puntejava
Ath arràs deth Lhèris
Era vath de Campan
Vieva de s’esvelhar.

Arribats a Paiòla
Qu’avem prés eth camin
Omprejat de sapins
Qui amia en còth d’Aspin.
Deth pè deth Camodiet
Ath som deth Arbison
Que nos em miralhats
N’eth beròi lac d’Arro.

Puish qu’avem continuat
‘Ra nosta passejada
Despuish eth Tormalet
Qu’avem prés ‘ra camiada
Qui poja en serpejant
Entiòth Pic de Meidia
Davant tant de beutat
Que’ns em esmiraglats.

Peth còth d’Auba e’th lac Blu
A travèrs eths gabèths
Qu’em arribats totun
Ath pè deth Chirolet.
Eth so s’èra esconut
Darrèr ath Montagut,
Que’ns em anats dromir
Eth còr tot espaumit

Fermer