Pescaire de lua

Alexis Arette-Lendresse-Jean Claude Coudouy

Anueit qu’ei la hèsta,
Qu’ei roja la vèsta d’Aussau,
Tà tu, gojateta,
Qu’ei com tà l’aulheta la sau.

On te’n vas, Pescaire de lua,
Quin amor t’empòrtas au còr ?

Montanha en dentela,
Au som, l’immortèla que viu.
Viva ací lo Branlo,
La Craba dab lo Pas d’estiu.

E tu, flahutaire,
Desglara’nse l’aire claret,
Viste que’s prepara
Lo Pimbo dab l’Arrenilhet.

Gojatas beròjas,
Si’vs voletz dar bòjas, ça-vietz !
E flor deu vòste atge,
La ròsa au corsatge qu’agetz.

Mantua qui dança
Que’t derà la chança d’aimar.
Que’n sèi de las fièras
Qui seràn mei tièras doman.

De popeta ronda
Que’t derà ua blonda cabau.
Que’n sèi ua bruna
Qui a beròia fortuna on cau.

Gojat qui nueitejas,
A qui donc saunejas donc tant ?
T’aten quauqua bèra
Darrèra la barrèra deu Pan ?

Fermer