(Creacion deth grope) Eras jumpadetas
A nosta que i a
Quauqua gotèra n’eth solèr
Quauqua cletèra n’eth planchèr
Lenha qui peta de castanhèr.
Arrepic :
A casa caseta
M’i cauhi cameta
En tot aute larèr
Non m’i cauhi qu’un pè.
A noste que i a
Sus era setina deth orsèr
Drin de vaishèra, s’ac vòs hèr,
Un hato nete, atina, vene.
A noste que i a
Tostemps un veire de cafè
Ua ‘scabèla en cornèr
Copa’t un nhac, que’t harà ben.
A noste que i a
Mareis deths hòrts e de plan doçs
Soneis, arrísers e cançons
Non sap era pòrta de quin costat dar.
A noste que i a
Tot çò qu’an vist e entenut
En mud silenci ‘ras parets
Eth sovenir deths de qui an viscut.