Nostas montanhas

J.Courtade-J.Béars-A.Cuilhé

En nostes vilatges de Bigòrra
Que hè bon víver e respirar
Eth aire fresc dera nosta montanha
Quan òm se’n va eth maitin caminar.
Mès ath moment de gahar’ra pujada
Deths avajons un paon que s’estirpè,
Çò qu’ei tà nos un bonur, un plaser.

Arrèpic :
Qu’admiram nostas montanhas
Qu’em uròs en noste païs,
Que vlem cantar nosta Bigòrra
Pas en Francès mès en noste patuès. (Bis)

Eths tropèths teulats pujan tar’estiva,
Que hè beròi, ierba que’n van trobar
Sus eth cortau quina bèra musica,
Tringolets, esquerets que’s botan a tintar.
Mès quin silenci quan i ei era bruma,
Dab eth canhòt coma sol companhon
Eth nost’aulhèr ena cabana
Tà tuar eth temps que’s botè a cantar.

Eth maitin quan s’aureish era caça
Tots eths picurs son decidats
Ath som deth bòsc qu’an tirat eth sanglar
Que son contents dera loa passion.
Puish en aubèrja dera contrada
Eths caçadors que son tots amassats
E avant de tornar-se’n tà casa
Fièrs e uròs que van tornar cantar.

Montanhards dera Bigòrra
Entenetz nostas beròias voètz
E que podem cantar encòra
Pas en Francès mès en noste patuès. (Bis)

Fermer