(Creacion deth grope)
Quan eri mes joenet eth dissabte ser
Qu'anavi tath bal béver dus o quate traus.
E sus eth camin qu'aièva hòrt d'estancas
Tà carcar 'ra hèra ena vielha dus chibaus.
Cantar, dançar, virar
E tostemps desconar,
Anar, tornar virar,
Tostemps recomençar.
Cada mes 'ra hèsta, un còp en Davantaiga,
L'aute en vath d'Asun e plan segur en Vathsurguèra.
'Ra muda a Argielèrs, traucar Castèth Lobon,
Costetas en pais Tòi entà acabar en Airòs.
Ara punta deth dia hèr cóser er'ampeta,
Silvia hèr 'ra moleta e jo dab ma hartèra
Tornar-se'n tà casa ajassat en lheit
Eth dimenge maitin non pòdi pregar Diu.
Eths ans que son passats, l'enveja m'ei demorada,
Que sòi tostemps prèste tà hèr com a vint ans.
E tots qui m'escotatz qu'etz devut hèr com jo,
Alavetz que coneishetz era mia cançon.